Sot përkujtohet françeskani At Justin Rrota, i pari që solli nga Biblioteka Apostolike e Vatikanit në Shqipëri, më 1929-n tri riprodhime të fotografuara të librit më të hershëm të botuar në shqip, “Meshari” i Gjon Buzukut (1555).
At Justin Rrota ndërroi jetë më 21 dhjetor 1964 dhe u varros në Shkodër.
Angazhimi i tij në gjuhën dhe letrat shqipe, përfshinte studimin e gramatikës, të sintaksës, të morfologjisë dhe të historiografisë letrare.
Mësimet e para i mori në vendlindje, në Shkodër. Ndërsa, do të formohej për teologji në Klagenfurt të Austrisë. Meshtari do të shërbente edhe si mësimdhënës, fillimisht në Troshan dhe duke nisur nga viti 1921, në gjimnazin “Illyricum” në Shkodër. Krahas mësimdhënies, u shqua për zell në studime. Botoi artikuj të shumtë shkencorë me pseudonimet “Iris”, “Patër Ndou” dhe “Viator”.
Shkrimet e tij u botuan së pari në revistat “Zani i Shna Ndout” dhe “Hylli i Dritës”, që u përkisnin disiplinave të gjuhësisë dhe të letërsisë. At Justini ishtë një ndër botuesit e parë të teksteve për shkollat e mesme. Në vitin 1940, Instituti i Studimeve Shqiptare e zgjodhi anëtar të radhëve të tij, në cilësinë e lëvruesit të gjuhës.
Drejtoria e Përgjithshme e Arkivave sjell, në këtë përvjetor, disa radhë nga studimi i Rrotës mbi gjuhën e shkruar shqipe dhe fragmente nga fjalori ortografik i përpiluar prej tij.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.