nju jork permbytje
Një gjendje e jashtëzakonshme është shpallur në qytetin e Nju-Jorkut pasi stuhitë e forta sjellin përmbytje të shpejta.
Shumë prej sistemeve të metrosë, rrugëve dhe autostradave të qytetit janë përmbytur, ndërsa të paktën një terminal në aeroportin LaGuardia u mbyll të premten. Deri në 20 cm shi ra në disa pjesë të qytetit.
“Kjo është një stuhi e rrezikshme, kërcënuese për jetën“, tha guvernatori Kethi Hokull (o. Kathy Hochul).
“Unë po shpall një gjendje të jashtëzakonshme në të gjithë qytetin e Nju-Jorkut, Long Island dhe Luginën Hadson për shkak të reshjeve ekstreme që po shohim në të gjithë rajonin,” tha guvernatorja e Nju-Jorkut.
Ajo u bëri thirrje njerëzve të ndërmarrin hapa për të qëndruar të sigurt. Fatmirësisht nuk është raportuar për viktima apo lëndime kritike.
Një gjendje e jashtëzakonshme u shpall gjithashtu në qytetin Hoboken të Nju-Xhersit.
Në qytetin e Nju-Jorkut, kryebashkiaku Erik Adams (o. Eric), paralajmëroi njerëzit se ishte koha për “vigjilencë të shtuar dhe kujdes ekstrem” pasi u vendos gjendja e jashtëzakonshme.
“Disa nga metrotë tona janë të përmbytura dhe është jashtëzakonisht e vështirë të lëvizësh nëpër qytet“, tha ai në një konferencë për shtyp.
Përmbytjet shkaktuan ndërprerje të mëdha në sistemin e metrosë së Nju-Jorkut dhe në shërbimin hekurudhor të Metro North, sipas Agjencisë së Transportit Metropolitan. Disa linja metroje u pezulluan plotësisht dhe shumë stacione u mbyllën./ BBC
Kreu i Partisë Demokratike, Sali Berisha, ka premtuar se gjatë mandatit të tij të parë…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Nisur nga numri i lartë i vendeve turistike që përfshin Malësia e Madhe po tërheq…
Kjo zonë po vuan nga një problem i madh, siç është ndotja nga mbeturinat. Ky…
Shqiptarët kanë edhe një tjetër shkollë në Evropë, ku mund të mësojnë gjuhën, kulturën dhe…
This website uses cookies.