ca6f1045b4d1407c9dbed69a49d957fb
Në Libi vazhduan edhe të martën përpjekjet e kolonave me automjete të ndihmave humanitare për banorët e prekur nga përmbytjet katastrofike.
Raportohet se rreth 3 mijë banorë kanë humbur jetën dhe trupat e më shumë se 1 mijë personave u gjetën në qytetin mesdhetar më të goditur nga përmbytjet, në Dernë.
Vërshimet e fundit janë pasojë e stuhisë “Daniel” e cila përshkoi lindjen e Libisë në fundjavë, duke shkatërruar dy digat e lumit që kalon përmes qytetit dhe duke çliruar miliona metra kub të rezervuarin me ujë në zonë.
Disa godina banimit janë rrëzuar pjesërisht ndërsa një urë u shemb nga vrulli i mijëra tonëve ujë drejt detit.
Mediet raportojnë se mbi 5 mijë banorë rezultojnë të zhdukur dhe nuk dihet bilanci i viktimave të kësaj katastrofe natyrore.
“Autoritetet po mbërrijnë me vështirësi në Dernë, sepse rrugët që të çojnë aty janë shkatërruar ose janë ndërprerë nga vërshimet. Por ndihmat humanitare po vijnë,” raporton agjencia Al Jazeera.
Të martën, një aeroplan zbriti 14 tonë me furnizime për banorët e prekur, ilaçe, pajisje dhe personel mjekësor.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.