Përmirësimi i infrastrukturës në shkolla – Kryebashkiaku Benet Beci sheh nga afër situatën në shkollën “Martin Camaj”

Kjo është gjendja që vijon prej vitesh në oborrin e shkollës “Martin Camaj” në qytetin e Shkodrës.

 E harruar në vite, kjo zonë ofron një pamje aspak normale, e cila është kthyer në shqetësim për komunitetin e nxënnesve, mesuesve, prindërve, por edhe banorëve të kësaj zone.

Kryetari i Bashkisë Shkodër, Benet Beci, ka inspektuar nga afër situatën e krijuar në këtë zonë.

 Ai është takuar me mesuesit e shkollës ku është diskutuar kjo problematikë e cila është e mbartur në vite.

Kryetari i Bashkisë, Benet Beci , në bashkëbisedimin me mësuesit ka garantuar së Bashkia do të bëjë një ndërhyrje të shpejtë në sisteminimin e ujërave të rrugës,  por edhe sistemimin e oborrit të shkollës.

Përveç ndërtimeve pa kriter, të cilat i kanë zënë pamjen shkollës, duke krijuar edhe mungesën e një oborri për nxënësit, amortizimi i infrastrukturës rrugore në këtë zonë, është një kërkesë imediate e mësuesve të shkollës të cilët prej më shume se 15 vitesh kanë kërkuar që të ndërhyhet në këtë zonë por kërkesat e tyre kanë rënë në vesh të shurdhër.

Specialistët e Bashkisë Shkodër do të hartojnë një projekt konkret ndërhyrjeje me qëllim që kjo zonë të ketë një pamje tjetër dhe normale për nxënësit dhe komunitetin e zonës.