Përplasen dy automjete në Shkodër, njëra prej tyre merr flakë/ Përfundon në spital pasagjerja
policia shkoder
Dy automjete janë përplasur pasditen e sotme në aksin rrugor Shkodër-Gur i Zi, pranë vendit të quajtur Ura e Kirit,në afëesi të varrezave të dëshmorëve.
Përrplasja ka sjellë si pasojë kapjen flakë të njërit nga automjetet, ndërsa tjetri ka përfunduar në kanalin anës rrugës. Ndërkohë , ka mbetur e lënduar pasagjerja e njërit prej mjeteve. Në vendngjarje kanë shkuar menjëherë forcat zjarrëfikëse , që kanë bërë të mundur shuarjen e zjarrit.
Në vendin e ngjarjes ka mbërritur policia rrugore dhe ekspertët e qarkullimit, të cilët po punojnë për zbardhjen e shkaqeve të këtij aksidenti.
Njoftimi i policisë:
Pasditen e sotme, në aksin rrugor “Shkodër-Vau i Dejës”, automjeti me drejtues shtetasin L. L., 49 vjeç, është përplasur me automjetin me drejtues shtetasin F. B., 32 vjeç. Nga përplasja ka marrë flakë dhe është djegur pjesërisht, automjeti që drejtonte 49-vjeçari, si dhe është dëmtuar pasagjerja në të, shtetasja V. L., 43 vjeçe, e cila është në kujdesin e mjekëve.
Grupi hetimor po punon për sqarimin e rrethanave të aksidentit
