Të dielën në “San Siro” luhet një pjesë titulli në Serie A. Inter-Juve është një sfidë mes dy “bigëve” të futbollit italian, por një sfidë brenda sfidës është edhe ajo ndërmjet Martinez dhe Vlahovic, dy protagonistë absolut, dy sulmuesit më në formë për momentin. “Demi” po kalon sezonin e tij më të mirë në karrierë, 19 gola dhe 4 asiste në Serie A, argjentinasi po udhëheq Inter si kapiten në këtë sezon ku ziklatërit kërkojnë yllin e dytë në fanellë.
Në tre ndeshjet e fundit, Martinez ka shënuar 4 gola, gjithashtu vendosi edhe finalen e Superkupës. Ashtu si Inzaghi, edhe Allegri mund të mbështetet qetësisht te “bomberi” i tij, Dusan Vlahovic.
Ndryshe nga Martinez që ka qenë konstant në paraqitjet e tij këtë sezon, Vlahovic ka kapur tani formën e tij më të mirë, më në fund serbi ka lënë pas problemet fizike dhe po rikthehet të udhëheq Juven. Në 20 ndeshje, Vlahovic ka shënuar 12 gola, por vetëm në 4 ndeshjet e fundit ka shënuar 6 gola. Asnjë sulmues në Evropë nuk ka pasur rendiment më të mirë se sa Vlahovic në 2024. Dy sulmuesit ishin protagonist edhe në sfidën e parë ndërmjet Juves dhe Inter, kështu pritet të jetë edhe më 4 shkurt.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.