Përshkallëzohet retorika, sauditët akuzojnë Izraelin: Po kryen masakra gjenocidale në Gazë

Në deklaratën e saj ndoshta më të formuluar kundër Izraelit që nga fillimi i luftës kundër Hamasit në Gaza, Ministria e Jashtme e Arabisë Saudite akuzon Izraelin për kryerjen e “masakrave të vazhdueshme gjenocidale” duke shënjestruar “tendat e refugjatëve palestinezë të pambrojtur në Rafah”, ndërsa e ka cilësuar Jerusalemin si përgjegjës për “çfarë po ndodh në Rafah dhe në të gjithë territoret e pushtuara palestineze”.

Riadi, i cili ishte në bisedime për normalizimin e marrëdhënieve me Izraelin para shpërthimit të luftës, ka përshkallëzuar retorikën kundër shtetit hebre pasi bisedimet me kryeministrin izraelit Benjamin Netanjahu kanë dështuar sepse ky i fundit refuzon kërkesat për t’u angazhuar drejt krijimit të një shteti palestinez.

Në deklaratën e saj, ministria thotë se “shkeljet e vazhdueshme flagrante të të gjitha rezolutave, ligjeve dhe normave ndërkombëtare dhe humanitare… përkeqësojnë përmasat e katastrofës humanitare të paprecedentë të përjetuar nga populli palestinez”.

Ajo i kërkon botës të “ndalojë masakrat” dhe “të ngarkojë me përgjegjësi autorët”