“Përtej” sloganeve ndërgjegjësuese, takimi në kuadër të tetorit “rozë” për sëmundjen e kancerit të gjirit

“Përtej”, u titullua takimi i mbajtur nga Qendra e Gruas ” Hapat e lehtë” në kuadër të tetorit “rozë”, muajit të ndërgjegjësimit për kancerin e gjirit.

Diskutimet u përqendruan në problematikat dhe vështirësitë, që përfshijnë personat e prekur nga sëmundja.

Të pranishëm në takim ishin përfaqësues të Bashkisë Shkodër dhe institucioneve sociale dhe shëndetësore të qytetit.

 Ata shprehën mendimet se si mund të vijohet përtej sloganeve të ndërgjegjësimit.

Të pranishmit shfaqën vendosmërinë për të vijuar me takime të tjera dhe ndërmarrjen e hapave të nevojshëm në kuadër të misionit sa human aq edhe të rëndësishëm.