Peru- Autobusi bie në greminë, të paktën 20 viktima

Të paktën 20 persona kanë vdekur në një aksident në veri të Perusë pasi një autobuz ra në një luginë ndërsa po udhëtonte në një rrugë fshati në distriktin Kushka, provinca Korongo.

Operacioni i kërkim-shpëtimit është ende në vazhdim në një zonë të paarritshme, në një lartësi prej më shumë se 3250 metra.

Aksidentet e trafikut, veçanërisht ato me autobusë dhe në shumë raste fatale, janë tragjikisht të shpeshta në Peru, veçanërisht për shkak të zhvillimit të shpejtësisë së tepërt dhe mirëmbajtjes së pamjaftueshme të rrjetit rrugor, veçanërisht të rrugëve malore.

Më 19 shtator, 25 persona në një autobus humbën jetën në një aksident në pjesën jugore të vendit. Më 13 gusht, 13 persona humbën jetën dhe pesë të tjerë u plagosën rëndë në një aksident rrugor me një autobus në të njëjtën zonë.