“Pëshpëritje” përmes ekspozitës me fotografi/ Artistja nga Durrësi Florina Shani çeli ekspozitën e saj personale në Shkodër

Ndonëse e lindur në qytetin bregdetar të Durrësit, ekspozitën e saj të tretë personale zgjodhi ta bëjë në galerinë “Oda” në Shkodër. Florina Shani, mësuese në Liceun Artistik “Jan Kukuzeli” e titulloi “Pëshpëritje” ekspozitën me 28 imazhe fotografike që nisi t’i shkrepte që në kohën e karantinës së shkaktuar nga pandemia Covid-19.

Ajo më së shumti preferon të fotografojë bardhë e zi por kësaj here i solli me ngjyra fotografitë që frymëzohen jo vetëm nga ajo çfarë i shikon syri por edhe nga gjendja shpirtërore e çastit.Për Florinën, autoren e ekspozitës objektet komunikojnë dhe ato flasin me gjuhën e tyre duke na dhënë mesazhe.Ekspozita do të qëndrojë e hapur rreth një javë për vizitorët e saj.