Pezullohet ligji i mjekësisë/ Kushtetuesja u jep përkohësisht të drejtë studentëve

Ligji për studentët e  Mjekësisë, i cili i ndalon ata të ikin nga Shqipëria 5 vite pas mbarimit të studimeve është pezulluar nga Gjykata Kushtetuese .

Pezullimi është bërë derisa gjykata të shprehet për ligjin në tërësi, çështje që u dërgua nga studentët dhe një grup deputetësh.

Prej 4 javësh  studentët e mjekësisë bojkotuan mësimin dhe protestuan  kundër ligjit që i vendos mes dy zgjedhjeve.

Tashmë kanë  dy javë studentët i janë kthyer procesit mësimor pas një marrëveshje me rektorin e mjekësisë Arben Gjata dhe pasi ky i fundit ka pranuar kushtet e studentëve  për mos firmosje e asnjë kontrate deri në vendimin përfundimtar të gjykatës kushtetuese.  

Ata e kanë bërë të qartë se vetëm shfuqizimi i ligjit do t’i kthente në auditore. Revolta e tyre u shtua edhe pas bërjes publike të tarifës prej 240 mijë lekësh që do u duhet të paguajnë në vit.