Plagoset me armë 30- vjeçari, i plagosuri në Shkodër: Nuk i njoh autorët

Policia e Shkodrës ka reaguar lidhur me ngjarjen e ndodhur mbrëmjen e së dielës në qendër të këtij qyteti. Përmes një njoftimi zyrtar , blutë e Shkodrës bëjnë me dije se rreth orës 22:30 të mbrëmjes së djeshme, në lagjen “Mark Lula”, u plagos me armë zjarri 30-vjeçari Ndue Preka. Si pasojë e të shtënave i riu ka marrë plagë të lehta në këmbë. Menjëherë u dërgua në spital, ku mori ndihmën e nevojshme mjekësore dhe më pas në Komisariat për sqarimin dhe zbardhjen e kësaj ngjarje. Preka ishte duke ecur në këmbë kur është qëlluar me amë zjarri, 4 herë, në drejtim të tij. Në dëshminë dhënë në polici, Ndue Preka ka deklaruar se nuk e di kush e qëlloi. Pritet që policisë t’i vijnë në ndihmë pamjet e kamerave të sigurisë të disa bizneseve në zonë. Grupi hetimor, në drejtimin e Prokurorisë, po punon për zbardhjen  e rrethanave dhe dokumentimin ligjor të rastit.