Plagosi me armë një person, merr fund arratia disa mujore e 47-vjeçarit në Shkodër
Merr fund arratia e 47-vjeçarit në Shkodër. Policia ka bërë me dije se ka vënë në pranga një person të shpallur në kërkim për tentativë vrasje.
47-vjeçari tashmë i arrestuar, më 11 maj të 2024-ës plagosi me armë një 24-vjeçar. 47-vjeçari akuzohet nga Gjykata e Shkallës së Parë Shkodër për veprat penale “Vrasja me paramendim”, mbetur në tentativë dhe “Prodhimi dhe mbajtja pa leje e armëve, armëve shpërthyese dhe i municionit”.
Gjatë momentit të arrestimit, 47-vjeçariut iu gjet dhe sekuestrua një armë zjarri pistoletë me një krehër me fishekë.
“Gjatë operacionit u kap dhe u ndalua shtetasin G. M., 47 vjeç, banues në Shkodër. Në momentin e ndalimit, në rrugë, gjatë kontrollit fizik, atij iu gjet një armë zjarri pistoletë me një krehër me fishekë.
Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Vrasja me paramendim”, mbetur në tentativë dhe “Prodhimi dhe mbajtja pa leje e armëve, armëve shpërthyese dhe i municionit”.
Shtetasi G. M. akuzohet se më datë 11.05.2024, në lagjen “Salo Halili”, ka qëlluar me armë zjarri, për motive të dobëta, në drejtim të shtetasit J. O., 24 vjeç, i cili u dëmtua në këmbë’, thuhet në njoftim.
Materialet procedurale i kaluan Prokurorisë, për veprime të mëtejshme.
