Plagosja e kryeministrit të Sllovakisë, flet nga Bratislava prof.Artan Qineti: Fico në rrezik për jetën. Ngjarje shokuese

Plagosja me armë zjarri e kryeministrit populist të Sllovakisë, Robert Fico ka shkaktuar tronditje, ndërsa profesor Artan Qineti ka treguar nga Bratislava më shumë detaje rreth kësaj ngjarje të rëndë. Në një lidhje me Skype për RTSH24, Qineti tha se ngjarja është shokuese, ndërsa tha se kryeministri Fico ndodhet në gjendje të rëndë shëndetësore.

Është në rrezik për jetën dhe është në sallën e operacionit. Autori është arrestuar është një shkrimtar i panjohur 71 vjeç dhe nuk dihen ende motivet për të cilat  e ka kryer këtë krim. Ngjarje të tilla nuk ndodhin në Slloveni, ndaj është shokuese për të gjithë publikun”, u shpreh ai.

Sipas Qinetit, ngjarja megjithatë nuk ka shkaktuar pasiguri në shoqëri, por shtroi se po përdoret nga partitë politike tashmë për qëllimet e tyre.

Nuk ka të bëjë me pasigurinë sepse është vend i qetë, por gjuha mes partive politike është e ashpër dhe në këtë moment, në vend që të qetësojnë opinionin publik, disa individë edhe në partinë në pushtet, mundohen ta përdorin rastin”, deklaroi ai.

Kryeministri Robert Fico 59 vjeç, u qëllua 4 herë me armë zjarri jashtë Shtëpisë së Kulturës në qytetin Handlova, rreth 150 kilometra në verilindje të kryeqytetit, ku lideri po takohej me mbështetësit e tij. Autori i sulmit, një shkrimtar 71 vjeç, është arrestuar, teksa ende nuk janë zbardhur motivet e kësaj ngjarje të rëndë.

A note to our visitors

This website has updated its privacy policy in compliance with changes to European Union data protection law, for all members globally. We’ve also updated our Privacy Policy to give you more information about your rights and responsibilities with respect to your privacy and personal information. Please read this to review the updates about which cookies we use and what information we collect on our site. By continuing to use this site, you are agreeing to our updated privacy policy.