Lezhe Sherr
Një konflikt i çastit mes dy personave në Lezhë përfundoi me të shtëna me armë zjarri dhe plagosjen e njërit prej tyre. Ngjarja ndodhi rreth orës 11:00 të së shtunës në rrugën e “Shtrausit”, në afërsi të Urës së Cenit, ndërsa i plagosur mbeti Tonin Ndreca 35-vjeç shofer furgoni, banues në Laç.
Ai u qëllua me tre plumba pistolete në pjesën e këmbëve dhe u dërgua me urgjencë për ndihmë mjekësore në Spitalin Rajonal të Lezhës, nga ku mësohet se ndodhet nën kujdesin e bluzave të bardha jashtë rrezikut për jetën.
Ndërkohë policia e cila mbërriti menjëherë në vendin e ngjarjes arriti të identifikojë dhe shpallë në kërkim autorin e dyshuar të plagosjes.
Ai është shtetasi Marjan Kola banues në Laç, i cili u largua me shpejtësi me automjet pas ngjarjes. Forca të shumta policie janë vënë në ndjekje të tij, por pa arritur ende të neotralizojnë dhe vënë në pranga.
Nga veprimet paraaprake hetimore bëhet me dije se ngjarja ka ndodhur pas një konflikti të çastit për parkimin e automjeteve mes autorit dhe të plagosurit.
Fillimisht ata janë përplasur fizikisht me njëri tjetrin e më pas Marjan Kola, ka nxjerrë armën që mbante me vete dhe ka qëlluar në drejtim të 35-vjeçarit Tonin Ndreca i cili bënte me furgon linjën Laç-Lezhë.
Në cilësinë e provës materiale u gjeten dhe sekuestruan 3 gëzhoja, ndërsa janë shoqëruar dhe po merren në pyetje disa persona për të zbardhur plotësisht rrethanat e ngjarjes.
Kënga fituese e edicionit të 63 të Festivalit të këngës në Radio Televizionin Shqiptar ka…
Miss Shqipëria”, eventi më i madh i bukurisë shqiptare, çeli siparin e edicionit të 27…
Vetëm pak javë pasi hodhi firmën në kontratën e re me Mançester Sitin, sipas së…
Në intervistën që dha për “SonntagsZeitung”, Mishel Platini tregoi disa prej problematikave të mëdha që…
Pas barazimit 1-1 për Supërligën, Vllaznia dhe Elbasani do të masin forcat sërish në “Loro…
Fshati i vogël i Goricës në njësinë administrative të Anës së Malit, në Bashkinë e…
This website uses cookies.