Plani i Mbretërisë së Bashkuar, taksi fluturuese pa pilot brenda dy vitesh

Taksia e parë fluturuese pa pilot mund të fluturojë në qiellin e Mbretërisë së Bashkuar pas dy vitesh. Departamenti i Transportit (DfT) ka publikuar planin e tij të veprimit për të ardhmen e fluturimeve, i cili gjithashtu propozon taksitë fluturuese pa pilotë në bord deri në vitin 2030. Ajo ka parashikuar gjithashtu përdorimin e rregullt të dronëve për luftimin e krimit deri në fund të dekadës.

“Udhërrëfyesi”, ose më saktë plani i fluturimit, do të nënkuptonte adoptimin e teknologjisë “dikur të kufizuar në fushën e fantashkencës”, sipas DfT, me teknologjinë e dronëve.

“Teknologjia e fundit e baterive do të revolucionarizojë transportin siç e njohim ne, ky plan do të sigurojë që ne të kemi infrastrukturën dhe rregulloren për ta bërë atë realitet. Nga taksitë fluturuese te dronët e shërbimit të urgjencës, ne po sigurohemi që Mbretëria e Bashkuar të jetë në ballë të këtij ndryshimi dramatik në transport, duke përmirësuar jetën e njerëzve dhe duke rritur ekonominë”, tha Ministri i Aviacionit dhe Teknologjisë Anthony Browne

Përtej Atlantikut, kryebashkiaku i qytetit të Nju Jorkut, Eric Adams, zbuloi një plan të ngjashëm në nëntor të vitit të kaluar për të përdorur taksitë elektrike ajrore deri në vitin 2025-2026 për të fluturuar njerëzit drejt dhe nga aeroportet e qytetit. Propozimet do të lejojnë dronët të fluturojnë përtej vijës vizuale të shikimit në mënyrë që sektori të rritet pa kufizuar qiellin për avionët e tjerë./ Skynews