Ndeshja e katërt mes T’Wolves dhe Suns ishte mjaft e barabartë edhe pse fitorja e katërt në po kaq takime e ekipit nga Minesota tregon qartë se cili formacion është më i mirë në këtë sezon.
Takimi i mbrëmshëm ishte i ekuilibruar pasi skuadrat barazuan rezultatin plot 21 herë ndërsa avantazhi më i madh i regjistruar nga të dy ekipet nuk ishte më i madh se 6 pikë.
Në fund triumfuan miqtë nga Mineapolis të cilët eliminuan ekipin e Finiks në Arizona duke i dhënë fund një sezoni të dobët për të besuarit e Frank Vogel.
Vendasve nuk u mjaftoi paraqitja më e mirë në playoff e Devin Buker (49 pikë, 5 topa në tabelë dhe 6 asist). Ky i fundit u ndihmua edhe nga Kevin Durant, autor i 33 pikëve ndërsa zhgënjeu Bil, i cili mbylli takimin me 9 pikë, 6 topa të humbur dhe 6 faulle.
Nga ana tjetër shkëlqyen Eduards (40 pikë, 9 topa në tabelë dhe 6 asist), Tauns (28 pikë dhe 10 topa në tabelë) dhe MekDaniels (18 pikë). E vetmja notë negative e mbrëmjes ishte dëmtimi i pësuar nga trajneri i miqve, Kris Finç pasi u përlas nga lojtari i tij, Konlej.
Sipas stafit mjekësorë trajneri ka dëmtuar rëndë gjurin dhe do të duhet që të operohet edhe pse në horizont ekipin e tij e pret një sfidë e madhe pasi do të ndeshet me fituesen e çiftit Nuggets-Lakers.
Ndeshjet
PHILADELPHIA 76ERS-NEW YORK KNICKS NDESHJA-4 92-97
DALLAS MAVERICKS-L.A. CLIPPERS NDESHJA-4 111-116
INDIANA PACERS-MILWAUKEE BUCKS NDESHJA-4 126-113
PHOENIX SUNS-MINNESOTA TIMBERWOLVES NDESHJA-4 116-122
Drejtuesi i Prokurorisë së Posaçme, Altin Dumani, shpjegoi gjatë së premtes arsyet pse SPAK-u ndërmori…
Aspirantet për finalen e madhe në Vroklav kanë mësuar sot rrugëtimin e tyre drejt 90’…
Vitet e fundit vërehet se janë rritur rastet e arresteve kardiake, ku po preken dhe…
Myftiu i Shkodrës, Imam Muhamed Sytari, ka tërhequr vemendjen e prindërve që të kalojnë më…
Mungesa e infastrukturës, por edhe mos menaxhimi i mbeturinave , vazhdon të jetë prezent me…
Mbledhja e sotme e Senatit Akademik të Universitetit të Shkodrës “Luigj Gurakuqi”, ka miratuar buxhetin…
This website uses cookies.