Categories: Lajme

“Po intimidohet ILD-ja”, Berisha i përgjigjet Artur Metanit: Je i përfshirë në a…

“Po intimidohet ILD-ja”, Berisha i përgjigjet Artur Metanit: Je i përfshirë në aferën e incineratorëve, jep dorëheqjen

Pas reagimit të drejtuesit të Inspektoratit të Lartë të Drejtësisë, Artur Metani se deklaratat politike të ish-kryeministrit Berisha ndaj tij janë presion ndaj institucionit që ai drejton, në një përgjigje drejtuar Metanit, Berisha i kërkon atij të japë dorëheqjen pasi është i përfshirë në aferën e incineratorëve.

Në përgjigjen e tij, Berisha shkruan se Metani nuk reagoi ndaj kërkesës së tij por i ka sugjeruar prokurorinë. Sipas ish-kryeministrit, kjo tregon se ai i ka pranuar akuzat e lëshuara ndaj tij. Ndërsa riktheksoi se Artur Metani përbën “një kërcënim madhor për hetimin e vjedhjes së shekullit.”

“Artur Metani në vend të reflektimit reagoi ndaj kërkesës sime, duke e konsideruar këtë kërkesë si presion, intimidim dhe që kërkesën ta paraqesë në Prokurori. Në reagimin e tij Metani, jo vetëm që nuk refuzoi dot asnjë nga akuzat e mia konkrete ndaj tij, por në një farë mënyre me injorimin e tyre ai i pranoi ato”, theksoi Berisha.

Berisha ka ripërsëritur kërkesën ndaj Metanit për të dhënë dorëheqjen nga drejtimi i Inspektoratit të Lartë të Drejtësisë pasi sipas tij, ai rezulton i përfshirë në aferën e incineratorëve.

“Unë kërkoj dorëheqjen e Artur Metanit, sepse mbi bazën e dokumenteve zyrtare, rezulton anëtar i rëndësishëm i organizatës kriminale të vjedhjes së shekullit. Në kohen kur ka qenë në detyrën e drejtorit të Departamentit Juridik të Këshillit të Ministrave, Artur Metani rezulton me fakte se është direkt dhe personalisht i implikuar në procedurat antiligjore kriminale të miratimit të kësaj afere nga Edi Rama dhe kabineti i tij”, thekson Berisha.

Ish-kryeministri shkruan më tej se Metani në kundërshtim me ligjin “ka drejtuar një mbledhje me 5 zëvendës ministra në Ministrinë e Mjedisit, për t’ju imponuar atyre miratimin e zëvendësimit të strategjisë së trajtimit të mbetjeve me depozitim, seleksionim, riciklim të hartuar me 4 milionë euro nga BE me strategjinë e djegësave, duke shpallur për këtë qëllim emergjencën mjedisore kombëtare me qëllim që të krijohet baza ligjore për vjedhjen e shekullit”.

Burimi

RTSH Shkodra

Recent Posts

Ekskluzive! Vota e diasporës nën monitorim, krerët e OSBE dhe KQZ garantojnë fshehtësinë e votës

Fushata elektorale dhe përgatitjet për zgjedhjet janë mbikëqyrur në çdo fazë nga ndërkombëtarët. Në një…

46 minutes ago

“Kupa e Botës 2026”, Zëvendëspresidenti amerikan JD Vance paralajmëron tifozët me “Barbin e akullt”

Zëvendëspresidenti amerikan JD Vance u ka kujtuar të gjithë atyre që do të udhëtojnë drejt…

1 hour ago

Kopliku: PD vëmendje të veçantë arsimit / Kandidati i PD-ASHM u njoh me problematikat e UNISHK

Takimi i radhës i kandidatit të PD-së, Ted Kopliku, ishte me pedagogë të universitetit "Luigj…

2 hours ago

Ambasadorja japoneze në UNISHK / Marrëveshje bashkëpunimi me Dhomën e Tregtisë dhe Industrisë Shqipëri- Japoni

Universiteti i Shkodrës “Luigj Gurakuqi” dhe Dhoma e Tregtisë dhe Industrisë Shqipëri-Japoni nënshkruan një marrëveshje…

3 hours ago

Lesha takim me ish- ushtarakët / Kandidati i PS-së vlerësoi rolin e tyre në këtë fushatë, por edhe në vite

Kandidati i Partisë Socialiste, Besmir Lesha, është takuar me ish- ushtarakë të cilët kanë dhënë…

3 hours ago

Bejleri: Në 2 vite u rikthyen donatorët / Kandidati për deputet i PS-së liston investimet kryesore në Bashkinë Shkodër

Përveç investimeve me fondet e bashkive dhe të qeverisë qendrore, një rol thelbësor në zhvillimin…

3 hours ago