Fitorja e Tadej Pogaçar në Xhiron e Italisë ishte mbresëlënëse. Çiklisti slloven e mbylli garën në mënyrën më të mirë të mundshme, me podiumin me Koloseun në sfond. Një bukuri e tillë që nuk ka të njëjtë në botë, e që e zbeh edhe Parisin me Harkun e tij të Triumfit.
Një ceremoni çmimesh që kulmoi në fund të Xhiros së Italisë. Por e gjithë kjo do të kishte humbur vlerën sportive nëse nuk do të ishte “Princi i Vogël Slloven” ai që ngriti trofeun. Gjithmonë është thënë se janë çiklistët ata që i bëjnë garat të shkëlqyera, e Xhiro 107-tw e Italisë e demonstroi këtë në shkallën superiore.
Tadej e ka rishkruar historinë në ngjyrë rozë, duke shtuar në historikun e vet, kapituj bindës, duke na dhënë emocione në çdo pedalim, jo vetëm tifozëve që mbushnin rrugët e Italisë ku kalonte grupi i çiklistëve, por edhe për të gjithë sportdashësit që e ndoqën këtë edicion të Xhiros së Italisë nga televizori.
Çiklisti slloven triumfoi me lehtësi, duke krijuar një epërsi të thellë, prej më shumë se 9 minutash, me dy çiklistët e tjerë që u ngjitën në podium, Martinez dhe Thomas. Pogaçar ishte aq superior sa menaxhoi forcat e tij, duke kursyer energji për sulmin final dhe t’u kthyer në legjendë, pasi synimi i tij tashmë është Tur de Francë.
Nga mëngjesi i sotëm Tadej përgatitet për garën franceze. Por një gjë është e sigurtë, falë Xhiros së Italisë, Pogaçar mund të kthehet në legjendë, ndërsa Xhiro falë Pogaçarit u rikthye sërish në qendër të vëmendjes.
Ndryshe nga dita e parë, e cila kishte në konkurim 12 ndeshje, dita e dytë…
Shiroka mbetet një ndër destinacionet e preferuara nga qytetarët shkodran dhe jo vetëm. Të shumtë…
Policia e Shkodrës ka asgjësuar këtë të dielë ne fshatin Xhan njësia administrative Pult, në Shkodër, rreth 390…
Ministri për Evropën dhe Punët e Jashtme, Igli Hasani ka mbërritur në Nju York, për…
Kryeministri, Edi Rama merr pjesë në sesionin e 79-të të Asamblesë së Përgjithshme të Kombeve…
Në prag të sfidës së nesërme ku Vllaznia do të pres në “Loro Borici” ekipin…
This website uses cookies.