Daniela Klete (o. Klette), pjesëtarja e grupit famëkeq gjerman Fraksioni i Ushtrisë së Kuqe (RAF) është arrestuar në Berlin pas dhjetëra vitesh në arrati për grabitje dhe vrasje në tentativë.
Arrestimi vjen pasi dy javë më parë u transmetua një reportazh për grupin, pas të cilit policia mori 250 telefonata me informacione në lidhje me tre pjesëtarë ende të arratisur të grupit.
Markus Hojsler (o. Heusler), prokurori i çështjes, konfirmoi se gruaja 65-vjeçare u ndalua të hënën. Ajo, së bashku me dy të arratisurit e tjerë të mbetur nga banda, Burkhard Garveg (o. Garweg) dhe Ernst-Folker Shtaub (o. Ernst-Volker Staub).
Grupi i ekstremit të majtë i themeluar nga Andreas Bader (o. Andreas Baader) dhe Ulrike Meinhof, ndër të tjera, kreu të paktën 33 vrasje të zyrtarëve publikë, policë, biznesmenë dhe ushtarë amerikanë gjatë viteve 1970 dhe mori shumë pengje.
Por akuzat me të cilat përballen Kleteja, së bashku me Garvegun dhe Shtaubin kanë të bëjnë me grabitje të armatosura me vlerë miliona euro dhe të paktën një vrasje në tentativë e kryer midis vitit 1999 dhe 2016.
Grupi shpalli fundin e vet në vitin 1998, duke dërguar një letër anonime në zyrën e “Reuters” në Kolonjë, sipas së cilës pjesëtarët e mbetur të “gueriljes së qytetit në formën e RAF-it është tani histori”. /Reuters
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.