Policia e Malit të Zi ka mohuar raportimet se ish-presidenti Milo Gjukanoviq ka qenë objektiv për atentat nga një grup kriminal në rajon.
Agjencia Kombëtare e Vigjilencës dhe Drejtoria e Policisë dolën të enjten me një deklaratë të përbashkët në lidhje me akuzat e komentuara edhe në parlament, por edhe në medie, se një zyrtar i lartë ushtarak nga Kosova e kishte informuar z. Gjukanoviq për sulmin e planifikuar.
Sipas medieve malazeze, që citonin një person të afërt me ish-kreun e shtetit, atentati ndaj ish-presidentit do të kryhej në bashkëpunim me shërbimet sekrete të një vendi fqinj.
“Të dhënat e marra në kuadër të bashkëpunimit ndërkombëtar të Agjencisë për Vigjilencë Kombëtare tregojnë se shërbimi i huaj i inteligjencës, pra komuniteti i inteligjencës, nuk ka pasur informacion se po përgatitet një atentat në lidhje me ish-presidentin e vendit, siç thuhet në disa medie. Një informacion i tillë nuk i është dhënë Drejtorisë së Policisë në kuadër të përpunimit policor operativ ndërkombëtar. Në këtë kuptim, informacioni për kërcënimin e ish-Presidentit të Malit të Zi është i pasaktë,” thuhet në deklaratë.
Raportimet mediatike për atentatin ndaj z. Gjukanoviq dolën në mesin e korrikut dhe aludohej se grupi kriminal në fjalë ndodhej në Beograd, por për ta realizuar do të vinte në funksion edhe degët e tij në Bosnjë-Hercegovinë dhe Tiranë.
Autoritetet theksuan atëkohë se shërbimet malazeze të sigurisë nuk ishin vënë në dijeni të ndonjë rreziku nga koordinatori i sigurisë së ish-presidentit.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.