Policia ndalon një shtetas të shpallur në kërkim / Procedohen dy shtetas të tjerë
policia shkoder
Specialistët e Sektorit të Policisë Rrugore ndaluan shtetasin F. L., 39 vjeç, banues në fshatin Malihebe, Shkodër, pasi Gjykata e Shkallës së Parë e Juridiksionit të Përgjithshëm Shkodër e ka dënuar me 30 ditë burgim, për veprën penale “Drejtimi i automjeteve në mënyrë të parregullt”.
Gjithashtu, këta specialistë referuan materialet në Prokurori ku nisi procedimi në gjendje të lirë për shtetasit:
Y. P., 35 vjeç, banues në fshatin Bardhaj, Shkodër, pasi duke drejtuar një motorçikletë, ka humbur kontrollin dhe motorçikleta ka dalë nga rruga.
Për pasojë ka mbetur i dëmtuar shtetasi Y. P., i cili ndodhet në spital, në kujdesin e mjekëve;
-Y. D., 36 vjeç, banues në fshatin Bruçaj, Shkodër, pasi mbrëmë, në segmentin rrugor “Vrakë-Koplik”, duke drejtuar automjetin ka humbur kontrollin dhe automjeti ka dalë nga rruga. Për pasojë janë dëmtuar lehtë bashkëshortja e tij dhe dy fëmijët e tyre të mitur, pasagjerë në automjet.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
