Policia parandalon një ngjarje të rëndë, një 27-vjeçare  tentoi të hidhej në lumin Buna, bashkë me fëmijët e saj

Policia e Shkodrës ka bërë të ditur se , gjatë orëve të para të pasdites së sotme, ka arritur të parandalojë një ngjarje të rëndë.

Sipas policisë , rreth orës 14:15 , një shtetase 27 – vjeçare  ka tentuar  të hidhej në lumin Buna, bashkë me 4 fëmijët e saj të mitur,  përkatësisht 7, 5, 3 dhe 1 vjeç.

Falë ndërhyrjes së shpejtë të  patrullës së përgjithshme, që patrullonte në zonë, është arritur të pengohet veprimi  i 27-vjeçares.      

Nëna së bashku me fëmijët e saj u shoqëruan në ambientet e Komisariatit të Policisë Shkodër.

Grupi hetimor  po vijon punën për sqarimin e rrethanave të këtij rasti.