Kishte vënë në dispozocion lokalin në pronësi të tij, për organizimin e lojërave të fatit, dhe fshihte të ardhurat e përfituara nga ky subjekt, kapet në flagrancë dhe vihet në pranga 55-vjeçari.
Procedohen në gjendje të lirë 2 shtetas që u kapën në flagrancë duke luajtur lojëra fati, në këtë lokal.
Sekuestrohen 3 celularët që përdoreshin për këtë veprimtari të paligjshme.
Specialistët për Hetimin e Krimeve të Komisariatit të Policisë Shkodër, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, bazuar në informacionet e siguruara nga inteligjenca informative, kanë organizuar punën dhe kanë ushtruar kontrolle në disa ambiente në të cilat dyshohej se organizohej kjo veprimtari.
Si rezultat i kontrolleve, në lagjen “10 Korriku”, është evidentuar një lokal i përshtatur për organizimin e basteve sportive me anë të celularëve.
Në vijim të veprimeve u arrestua në flagrancë shtetasi B. S., 55 vjeç, pronari i lokalit. Nga verifikimet e kryera rezultoi se ky shtetas fshihte të ardhurat e përfituara nga ky subjekt.
Gjithashtu, u referuan materialet në Prokurori ku nisi procedimi në gjendje të lirë për shtetasit A. B., 53 vjeç dhe Z. S., 40 vjeç, pasi u kapën në flagrancë duke vënë baste sportive, në këtë lokal.
Në cilësinë e provës materiale u sekuestruan 3 celularët që përdoreshin nga këta shtetas, për lojëra fati.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.