“Pranvera e Frankofonisë” – QKF “Kujtim Alia” dhe Aleanca Franceze organizojnë konkursin e interpretuesve të këngës franceze

Pranvera e Frankofonisë, organizuar nga Aleanca Franceze dhe shumë partnerë frankofonë në Shqipëri, ka mbledhur në Qendrën Kulturore të Fëmijëve “Kujtim Alia” në Shkodër, fëmijë nga shumë qarqe të veriut.

Në fokus, është konkursi i interpretimit të këngës franceze.

Gjuha frënge, ndër të lejuarat në shkollat e Shqipërisë edhe para vitit 1990, është ndër më të preferuarat në vend.

 Aleanca Franceze, pikërisht përmes aktiviteteve të tilla kulturore, që gjallërojnë edhe jetën artistike të nxënësve, synon promovimin e kësaj gjuhe.

Aktiviteti i sotëm i QKF Shkodër është në vijim të planit vjetor të këtij institucioni, këtë herë në bashkëpunim me Aleancën Franceze dhe faktorë të tjerë të promovimit të frankofonisë në Shqipëri.