Precedenti i parë që ndodh në SHBA- Tërheqja e Biden, krahasuar me largimin e Lyndon Johnson
Largimi i Presidentit Xho Bajden (Joe Biden) nga gara presidenciale vjen pas javësh shqetësimi për qëndrueshmërinë dhe aftësitë mendore të presidentit 81-vjeçar.
Ka pasur gjithashtu shumë skepticizëm në lidhje me aftësinë e tij për të bërë fushatë efektive kundër ish-presidentit Donald Trump dhe për të qeverisur vendin për katër vjet të tjera.
Vendimi i Biden gjithashtu ka të ngjarë të ngrejë pikëpyetje në lidhje me aftësinë e tij për të përmbushur detyrat e presidencës për pjesën e mbetur të mandatit të tij.
Është hera e parë që një president amerikan tërhiqet nga një garë rizgjedhjeje në dekada, duke rikthyer në kujtesë Presidentin Lyndon Johnson që vendosi të mos kërkonte një mandat të dytë në vitin 1968, megjithëse vendimi i Biden vjen disa muaj më vonë gjatë fushatës, sesa njoftimi i Johnson.
Është gjithashtu zhvillimi i fundit tronditës në një fushatë shumë të ngarkuar politike që ka përfshirë tentativë për vrasjen e Trump.
