Prej një jave i shtruar në spital, Vatikani: Papa Francesku në situatë komplekse klinike
Papa Francesku do të vijojë qëndrimin në spitalin Gemelli të Romës, ku u shtrua për problemet në traktin e frymëmarrjes. Vatikani ka bërë me dije se Papa Francesku po trajtohet për një situatë komplekse klinike, ndërsa një ditë më parë ai rezultoi me infeksion polimikrobial.
Kjo situatë, kërkoi një ndryshim në trajtimin e Papa Franceskut, i cili prej një jave ndodhet i shtruar në spital.
Papa u shtrua me simptoma të bronkitit për disa ditë dhe delegoi zyrtarë për të lexuar fjalime të përgatitura në ngjarje të caktuara.
Gjatë fundjavës, Vatikani tha se gjendja e Papës ishte e qëndrueshme dhe se atij i ishte thënë të kishte “pushim të plotë” për të ndihmuar shërimin e tij.
Ai nuk ishte në gjendje të kryente lutjen e tij të rregullt javore të dielën në sheshin e Shën Pjetrit ose të drejtonte një meshë speciale për artistët për të shënuar Vitin Jubilar të Kishës Katolike.
