Premiera “Gaz paç o moj Shkodër”/  Pjesë e varietesë ishin disa nga figurat e spikatura të humorit shkodran

Aktivitetet e njëpasnjëshme në teatrin “Migjeni” në këto ditë dhjetori i kanë lënë vendin varietesë premierë “Gaz paç o moj Shkodër” me protagonisë Mjeshtrat e Medhenj të humorit si Zyliha Miloti, Besnik Çinari, Drande Xhaj, Edmond Halili dhe deri tek më të rinjtë e këtij teatri. Spektakli me kohëzgjatje 120 minuta veç humorit ishte i plotësuar edhe me këngë të kënduara nga artistët shkodranë.Për disa nga aktorët e humorit në prononcimet e tyre për median vënë theksin tek vlera që bartë estrada e Shkodrës edhe sot e kësaj dite si e vetmja në vend me një histori 65-vjeçare.Prej vitesh stafeta ka nisur të kalojë tek brezat më të rinj dhe ata po e vazhdojnë këtë rrugëtim me shumë përgjegjësi.Varieteja “Gaz paç o moj Shkodër” do të vazhdojë të shfaqet për publikun shkodran edhe në datat 19, 20, 21 dhe 22 dhjetor në teatrin “Migjeni”.