Presidenti Begaj do të marrë pjesë në funeralin shtetëror të ish-presidentit të Italisë, Napolitano

Kreu i Shtetit, Bajram Begaj, do të marrë pjesë në funeralin shtetëror të ish-Presidentit Xhorxho Napolitano (o. Giorgio).

Sipas njoftimit të zyrës së shtypit të Presidencës, mësohet se presidenti Begaj niset drejt Italisë për të marrë pjesë në ceremoninë mortore që do të zhvillohet sot (26 shtator) në selinë e parlamentit italian në Romë.

Të pranishëm do të jenë figura të rëndësishme të politikës italiane dhe asaj evropiane.

Italia e ka shpallur të martën ditë zie kombëtare. Homazhet do të nisin rreth orës 11:30 dhe do të përfundojnë në 13:00.

Napolitano ndërroi jetë të premten në moshën 98-vjeçare.

Ish-presidenti italian njihet si një mik i mirë i Shqipërisë dhe shqiptarëve. Gjatë fjalimit në parlamentin shqiptar afro 10 vite më parë, Napolitano duke mbështetur rrugën evropiane të Shqipërisë, tha: “Nëse Evropa ka përfaqësuar shumë për Shqipërinë, Shqipëria nga ana e saj ka treguar haptazi se ka bërë dhe mund të bëjë shumë për Evropën.”