Presidenti i KE: Ukraina mund të jetë pjesë e BE-së në vitin 2030

Presidenti i Këshillit Evropian Çarls Mishel (Charles Michel) ka deklaruar se Ukraina mund të bëhet anëtare e plotë e Bashkimit Evropian deri në vitin 2030-të.

Në një intervistë për Spiegel, Mishel nuk ka asnjë mendim se sa mirë i ka përmbushur Ukraina standartet e anëtarësimit në BE.

“Ukraina me të vërtetë mund të bëhet anëtare e BE-së në vitin 2030 nëse të dyja palët bëjnë detyrat e tyre të shtëpisë. Ukraina dhe vendet e tjera kandidate për anëtarësim në BE duhet të kryejnë në mënyrë aktive dhe të qëndrueshme reformat, të luftojnë korrupsionin dhe të respektojnë kushtet ligjore,” tha Mishel.

Më 2 tetor, ministrat e jashtëm të vendeve të BE-së u mblodhën në Kiev për një takim historik.

Pas takimit, Ministri i Jashtëm DimitrI (Dmytro) Kuleba tha se zyrtarët kishin rënë dakord të çonin përpara kandidaturën e Ukrainës “me shpejtësi maksimale”.

Ukraina i bashkohet shtatë vendeve të tjera kandidate në kërkimin e anëtarësimit në BE: Turqia, Shqipëria, Maqedonia e Veriut, Mali i Zi, Serbia, Moldavia dhe Bosnja dhe Hercegovina.