Presidentja e Komisionit Evropian, Ursula fon der Lajen (o. von der Leyen), të dielën do të nisë një vizitë katërditore në Maqedoninë e Veriut, Kosovë, Mal të Zi, Serbi dhe Bosnjë-Hercegovinë.
Vizitat shihen si mundësi për të diskutuar bashkëpunimin dypalësh dhe për t’u prezantuar më në detaje udhëheqësve rajonalë Planin e Rritjes së BE-së për Ballkanin Perëndimor.
Fon der Lajen të dielën do të takohet me presidentin e Maqedonisë së Veriut, Stevo Pendarovski dhe me kryeministrin e Maqedonisë së Veriut, Dimitar Kovaçevski, në Shkup.
Më vonë gjatë ditës ajo do të udhëtojë për në Prishtinë, ku do të takohet me presidenten Vjosa Osmani dhe me kryeministrin e Kosovës, Albin Kurti.
Të martën në mëngjes, vizita do të zhvendosen në Podgoricë të Malit të Zi, ku do të takohet me presidentin Jakov Milatoviq dhe kryeministrin në detyrë të Malit të Zi, Dritan Abazoviq.
Pasdite, presidentja fon der Lajen do të udhëtojë për në Beograd, ku do të takohet me presidentin e Serbisë, Aleksandar Vuçiq dhe me kryeministren Ana Brnabiq.
Së fundi, të mërkurën, presidentja von der Leyen do të takohet në Sarajevë me Presidencën e Bosnjë-Hercegovinës.
Vizita vjen pas takimeve të presidentes fon der Lajen në Shqipëri në fillim të këtij muaji, në datat 15–16 tetor, ku mori pjesë në inaugurimin e zyrës ndërlidhëse të Kolegjit të Evropës në Tiranë dhe Samitin e Procesit të Berlinit.
Nënshkruhet Marrëveshja e Bashkëpunimit mes Ministrisë së Arsimit dhe Fondacionit Shqiptaro-Amerikan për Zhvillim (AADF )…
Çmimi Ndërkombëtar për Lirinë e Shtypit për vitin 2024 do t’u ndahet 4 gazetareve, mes…
Inspektorati Kombëtar i Mbrojtjes së Territorit, vijon me prishjen e objekteve për t’i hapur rrugë…
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
This website uses cookies.