Presidentja e Sllovenisë vizitë në Shqipëri, pritet me ceremoni zyrtare nga Begaj

Presidenti Bajram Begaj ka pritur me ceremoni zyrtare homologen e tij sllovene, Natasa Pirc Musar. Presidentja e Sllovenisë po zhvillon një vizitë zyrtare në Shqipëri me ftesë të Begajt.

Pas ceremonisë zyrtare të mirëseardhjes, dy presidentët do të zhvillojnë një takim “kokë më kokë” dhe më pas do të mbajnë edhe një konferencë të përbashkët për shtyp.

Gjatë ditës së sotme (23 maj) presidentja sllovene do të zhvilloi një takim edhe me kryeministrit Edi Rama  dhe me kryeparlamentaren Lindita Nikolla.  Musar do të mbajë edhe një fjalë përshëndetëse drejtuar deputeteve në kuvendin e Shqipërisë.

Një ditë më parë presidentja e Sllovenisë Natasa Pirc Musar e nisi vizitën nga ambientet e  Radiotelevizionit Publik Shqiptar, ku u prit nga Drejtori i Përgjithshëm i Radio Televizionit zoti Alfred Peza.

Presidentja e Sllovenisë, Natasha Pirc Musar, nën shoqërinë edhe të ambasadorit të Sllovenisë në Tiranë   Peter Japelj iu drejtua sallës së rinovuar të orkestrës simfonike të Radio Televizionit shqiptar ku u takua edhe me presidentin e republikës së Shqipërisë Bajram Begaj. Dy personalitetet e larta  ishin  të ftuarit e nderit të koncertit homazh që orkestra e RTSh-së organizoi në nder të  kompozitorit te famshëm slloven Bojan Adamiç.

Në ditën e tretë Presidentja e Sllovenisë, Natasha Pirc Musar do të vizitojë Durrësit dhe Fierin ku do të zhvilloje takime me krye bashkiakët si dhe Kryetarja e shtetit slloven ka rezervuar një vizitë në parkun arkeologjik të Sllovenisë .