Presidentja e Republikës së Kosovës, Vjosa Osmani, do të pritet sot (7 shtator) në selinë e NATO-s në Bruksel nga Sekretari i Përgjithshëm i aleancës ushtarake, Jens Stoltenberg.
Pas përfundimit të takimit, presidentja Osmani dhe sekretari Stoltenberg do t’i adresohen gazetarëve në një konferencë të përbashkët për mediet.
Gjatë vizitës zyrtare në NATO, presidentja do të ketë takim edhe me kryetarin e Komitetit Ushtarak të NATO-s, Admiralin Rob Bauer, raporton RTKlive.
Presidentja do të realizojë takime edhe me ambasadoren e Shteteve të Bashkuara në NATO, Xhulianë Smith (Julianne Smith) si dhe me përfaqësues të shteteve të tjera aleate.
“Përgjatë vizitës, Presidentja Osmani do të riafirmojë vendosmërinë e popullit dhe institucioneve të Republikës së Kosovës për avancimin e rrugës drejt anëtarësimit në NATO, duke filluar me programin e Partneritetit për Paqe, forcimin e bashkëpunimit dhe koordinimit me aleatë, në veçanti për çështje të sigurisë, mirënjohjen e popullit të Kosovës për rolin dhe kontributin e vazhdueshëm të NATO-s në Kosovë, si dhe përkushtimin për kontribut të përbashkët për paqe, stabilitet dhe siguri afatgjate në rajonin tonë,” thuhet në njoftim.
Edhe NATO ka konfirmuar takimin e Jens Stoltenberg me presidenten e Kosovës, Vjosa Osmani. /RTK
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.