Probleme me energjinë në Dajç / Mungojnë investimet prej disa dekadash
probleme me energjine dajc
Banorët e fshatrave të Njësisë Administrative Dajç në Bashkinë e Shkodrës, përballen herë pas here me problemet e furnizimit me energji elektrike, për shkak të amortizimit të rrjetit elektrik shpërndarës dhe natyrisht mungesës së investimeve prej dekadash të tëra.
Amortizimi dhe mosndërhyrja që prej vitit 1969, kohë kur është elektrifikuar zona, ka bërë që ky problem të jetë aktual edhe sot. Shkëputjet e energjisë janë bërë të zakonshme, kryesish gjatw stinës së dimrit, ku dhe moti është i paqëndrueshëm.
Sipas banorëve të zonës, nuk ka një punonjës nga Dajçi për monitorimin e situatës, por që vijnë nga vende të tjera. Kjo gjë ndikon në kohën e zgjidhjes së problematikave, të cilat në ditët e fundit janë të përsëritura.
