Procedohen 4 shtetas, ndërtuan baraka romësh, në banesa strehoheshin, kundrejt pagesës, familje të komunitetit rom

 Si rezultat i kontrolleve dhe verifikimeve që u kryen në bashkëpunim me specialistët e IMT Shkodër, me qëllim parandalimin dhe goditjen e rasteve të ndërtimeve pa leje, në zonë urbane, Komisariati i Policisë Shkodër, në bashkëpunim me Seksionin kundër Krimeve Ekonomiko-Financiare e DVP Shkodër, referuan materialet në Prokurori, ku nisi procedimi në gjendje të lirë për 4 shtetas banues në Shkodër.

Nga verifikimet rezultoi se këta shtetas kanë ndërtuar pa leje, 4 komplekse barakash, në 2 lagje të qytetit, ku janë strehuar kundrejt pagesës, familje të komunitetit rom.  Ndërtimet janë kryer në lagjet “Salo Halili” dhe “10 Korriku”,  ku janë strehuar kundrejt pagesës, familje të komunitetit rom. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.