Proçedohen penalisht 4 shtetas/Policia e Shkodrës njofton për situatën e rendit në 24 orët e fundit

Policia e Shkodrës ka proçeduar penalisht në gjendje të lirë dy shtetas, respektivisht 17 dhe 18 vjeçarë, banues në qytet. Gjatë kontrolleve fizike nga uniformat blu, u janë gjetur në trup një armë e ftohtë- thikë dhe një dorezë metalike.
Po ashtu, janë proceduar penalisht dy drejtues mjetesh. Një shtetas 41 vjeçar, duke lëvizur me mjetin e tij në rrugën Shkodër- Velipojë, është përplasur me një mjet të drejtuar nga një 61 vjeçar. Për pasojë, ky i fundit është dëmtuar lehtë.
Ndërkohë, në pedonalen e qytetit Vau Dejës, një 62-vjeçar ka humbur kontrollin mbi mjetin që drejtonte, duke goditur një makinë të parkuar dhe një shtetas 65 vjeçar kalimtar. Si pasojë është dëmtuar ky i fundit, i cili akoma po merr asistencë mjekësore dhe është jashtë rrezikut për jetën.