Proçesioni për Zojën e Shkodrës/ Qindra besimtarë morën pjesë në ecjen shpirtërore dedikuar pajtores së qytetit
PROCESIONI
Qindra besimtarë katolikë kremtuan festën e Zojës së Shkodrës, përmes proçesionit tradicional që nisi nga Katedralja “Shën Shtjefni” me figurën e pajtores së qytetit dhe vijoi përgjatë rrugës së Gjuhadolit e më pas drejt kishës së Shënkollit dhe sërish drejt vendit të pikënisjes.
Pjesë e proçesionit ishte edhe Arqipeshkvi Metropolit i Dioqezës Shkodër-Pult, Imzot Angelo Massafra. Lutje dhe këngë liturgjike ishin kryefjala e kësaj ecje shpirtërore që besimtarët i kanë drejtuar Zojës së Shkodrës.
Famullitari i Shkodrës Dom Vlash Palaj ndalet tek mesazhi që bart kjo festë.Kremtimet për festën e Zojës së Shkodrës do të vijojnë sërish sonte me hedhjen e fishekzjarreve ndërsa më herët do t’i paraprijë edhe një koncert në sheshin para Katedrales “Shën Shtjefni”.
