Promovimi i arsimit profesional, bizneset interes të lartë për profesionistë
Të rinjtë gjithnjë e më shumë po tërhiqen drejt arsimit profesional, ku edhe shkollat e kësaj natyre përmes promovimit që bëjnë kanë në fokus nxitjen arsimit profesional dhe përthithjen e sa me shumë nxënësve që mbarojnë klasat e nënta.
Sipas drejtorit të Shkollës Profesionale “Ndre Mjeda”, sektori i biznesit po shpreh një interes të lartë për nxënësit e shkollave me karakter profesional, në mënyrë që t’i mundësojë atyre punësim në kompani të ndryshme.
Aktualisht në shkollen profesionale “Ndre Mjeda” marrin dije rreth 150 nxënës në drejtimet veterinari, teknologji ushqimore, bujqësi dhe ekonomi bujqësore, degë këto për të cilat tregu i sotëm ka nevojë për teknikë dhe specialistë.
