Partitë opozitare, të udhëhequra nga PD-ja, kanë njoftuar Policinë e Tiranës se ditën e hënë më 23 dhjetor do të bllokojnë disa akse për rreth tre orë.
Policia e Shtetit u ka kthyer përgjigje organizatorëve të protestës se garanton çdo tubim paqësor, por jo bllokimin e rrugëve dhe se përbën përgjegjësi penale çdo bllokim i rrugëve.
Opozita ka kërkuar tre orë leje, por përgjigja e policisë ka qenë negative duke thënë se nuk do të lejojë bllokimin e rrugëve për rreth 3 orë.
Në përgjigjen e kthyer PD, Policia thotë se në bazë të ligjit “Për Tubimet”, organizimi i tubimeve në disa segmente rrugore në bashkinë Tiranë krijon probleme dhe premisa për cenime të rendit publik dhe sigurisë së shtetasve të tjerë, pengon qarkullimin e automjeteve të emergjencës, cenon të drejtat dhe liritë themelore për lëvizjen e lirë të shtetasve, si dhe pengon lëvizjen e lirë të automjeteve të transportit publik dhe privat në kryeqytet.
Skenari i opozitës do të jetë sërish bllokimi i rrugëve të Tiranës. Do të bllokohen kryqëzime si: Unaza e vogël, rrethrrotullimi i Zogut të Zi, ura afër xhamisë në Rrugën e Elbasanit, sheshi “Ëilson”dhe nga Pallati me Shigjeta drejt Rrugës së Kavajës.
Për mbarëvajtjen e rendit dhe të sigurisë gjatë protestës, Policia do të përdorë forcat e rendit, të Shqiponjave dhe FNSH. Po ashtu do të vendosen edhe autobotë me ujë për të shpërndarë protestuesit në rast se do të jetë e nevojshme.
Kombëtarja shqiptare udhëtoi të mërkurën drejt Londrës në kuadër të ndeshjes së parë kualifikuese për…
Shërbimi Meteorologjik Ushtarak bën të ditur se për ditën e sotme vendi ynë do të…
Ambasadori i OSBE-së në Shqipëri, Michel Tarran, në një intervistë ekskluzive dhënë për emisionin “Ngjarja…
Kreu i PD-së, Sali Berisha, është shprehur se do të zgjidhë përfundimisht çështjen e kthimit…
Partia Demokratike ka prezantuar kandidatët për zgjedhjet e 11 majit 2025 në qytetin e Shkodrës,…
Reshjet e borës kanë përfshirë zonat malore të vendit. Në veri, reshjet e rëna gjatë…
This website uses cookies.