Protesta- Molotovë ndaj institucioneve e selisë së PS-së, arrestohet një person, 5 të shoqëruar

Një person është arrestuar dhe pesë të tjerë janë shoqëruar për protestën e djeshme (7 tetor) të opozitës, që u shoqërua me akte të shumta dhune.

Ndërkohë bëhet me dije se 7 persona janë në kërkim, të dyshuar si autorë të hedhjes së molotovëve në drejtim të institucioneve e policisë.

Opozita protestoi për 3 orë, ndërsa aktet e dhunës shoqëruan tubimin që në nisje.

Në mungesë të kreut të PD-së, Sali Berisha, protesta u  drejtua nga Gazmend Bardhi dhe Flamur Noka  të cilët së bashku me protestuesit fillimisht u ndalën tek kryeministria, ku hodhën  molotovë dhe tymuese e në një moment u përplasën me policinë.

Më pas  deputetët e PD udhëhoqën protestuesit drejt një tjetër marshimi me destinacion selinë e PS-së ku hodhën dhjetëra molotovë dhe si pasojë u plagosën disa efektivë të policisë.

Mosbindja civile e opozitës vijoi drejt Ministrisë së Brendshme, Bashkisë së Tiranës dhe Parlamentit, ku sërish u hodhën flakadanë dhe bomba molotov dhe nga ana tjetër  policia ju përgjigj me gaz lotsjellës.

Marshimi përfundoi në selinë e PD ku sekretari i përgjithshëm Flamur Noka, deklaroi se 7 tetori ishte vetëm hapi i pare i mosbindjes civile. Gjatë protestës, të paktën 10 policë u lënduan