PSG, Luis Enrique: I jam mirënjohës Xavit, por kualifikohemi ne

Trajneri i PSG-së, Luis Enrique, foli në një konferencë për shtyp në prag të ndeshjes kundër Barcelonës, e vlefshme për ndeshjen e dytë çerekfinale të Ligës së Kampionëve: “Kjo ndeshje e dytë është pak më ndryshe. Kishim kohë për të analizuar dhe përmirësuar performancën tonë. Ndeshja e parë ishte shumë konkurruese. Rezultati nuk pasqyron atë që meritonim. Rezultati më i drejtë ishte një barazim, por kështu shkoi. Ne duhet të paraqesim një version më të mirë të vetes. Jemi të bindur se do ta ndryshojmë situatën”.

“Ne nuk kishim humbur në 27 ndeshje. Ishte dita që donim më pak. Duhet të ngrihemi dhe të përmirësohemi. Nuk duhet ta ekzagjerojmë këtë humbje, duhet ta pranojmë. Duhet të përgatitemi për të dhënë një paraqitje të mirë nesër. Ne duam t’u japim gëzim mbështetësve tanë”.

“Do të bëj gjithçka për të fituar. Xavi është në nivele të larta, këtë e dëshmojnë rezultatet. Nganjëherë ishim dukshëm superiorë, me përjashtim të 25 minutave në të cilat Barça kishte tre ose katër goditje nga këndi. Dhe me një goditje këndi përmbysi rezultatin. Nesër do të jetë një ndeshje e komplikuar për të dyja skuadrat”.

“Ne kemi synimin dhe ambicjen për të kaluar. Komplimente nga Xavi? I jam shumë mirënjohës atij. Kam ndarë shumë gjëra me të te Barça. Si kapiten ai kishte gjithmonë sjellje të patëmetë”.