Malaj
Gjatë viteve të fundit interesi i shtetasve të huaj për të punuar në Shqipëri është shtuar. Në emisionin “Jetë Shqiptare” eksperti i ekonomisë Eugen Musta u shpreh se nevoja për punëtorë, vjen për shkak se në Shqipëri ka mungesë për fuqi punëtore, kjo dhe për shkak të emigracionit të rritur vitet e fundit.
Por Musta theksoi se shtetasit e huaj, e përdorin Shqipërinë si trampolinë për të shkuar në Evropë.
“Nevoja për punëtorë vjen sepse kemi mungesë për fuqi punëtore për shkak dhe të emigracionit kohët e fundit.
Kjo mungesë ndihet në industritë e punës fizike, turizmi dhe ndërtimi. Problemi në këtë rast është që ne nuk jemi konkurrues me pagat që ofrojmë dhe punëtorët që zgjedhin Shqipërinë e përdorin si trampolinë për t’u hedhur në Evropë.
Këta punëtorë për një kohë të shkurtër largohen, regjistrohen në zyrat e punës në Shqipëri dhe pas 2 muaj janë larguar.
Kjo është kosto e shtuar për tregun shqiptar sepse është kostoja e rekrutimit. 400 euro taksë për rekrutimin për një punonjës fasonerie. Dhe ushqimi e fjetja është kosto shtesë. Këta punëtorë nuk janë të kualifikuar mjaftueshëm sa kanë punonjësit vendas”, u shpreh Musta.
Rekrutuesi Sotir Malaj, u shpreh se interesi dhe nevoja e bizneseve shqiptare për krah pune dhe punonjës është shtuar. Kjo është arsyeja përse rekrutohen dhe punonjës të thjeshtë nga Turqia dhe Azia. Malaj shtoi se gjatë 2023-shit është shtuar numri i aplikimeve nga shtetasit e huaj, duke bërë me dije se janë 5 mijë aplikime gjatë pesë muajve të parë të vitit.
“Interesi dhe nevoja e bizneseve shqiptare për krah pune dhe punonjës. Për Shqipërinë ka shumë interes dhe kohët e fundit shumë aplikime janë bërë për punëtorë të huaj, ku pjesa më e madhe janë nga Turqia, Azia, Italia, më tepër për punonjës të thjeshtë. Punëtorët që vijnë janë të kualifikuar sipas nevojave që bizneset kërkojnë. 8 mijë aplikime vitin e kaluar. 5 mijë aplikime për 5 muaj e parë të 2023-shit. Sipas prishtmërive deri në fund të vitit do e kalojë shifrën e 8 mijë aplikimeve”, tha ai.
Kreu i Partisë Demokratike, Sali Berisha, ka premtuar se gjatë mandatit të tij të parë…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Emisioni radhës “Histori Sportive” në Rtsh Shkodra iu kushtua dy familjeve të njohura sportive të…
Nisur nga numri i lartë i vendeve turistike që përfshin Malësia e Madhe po tërheq…
Kjo zonë po vuan nga një problem i madh, siç është ndotja nga mbeturinat. Ky…
Shqiptarët kanë edhe një tjetër shkollë në Evropë, ku mund të mësojnë gjuhën, kulturën dhe…
This website uses cookies.