Punimet e lëna në mes vështirësojnë qarkullimin/ Banorët kërkojnë kthimin e rrugës në gjendjen e mëparshme

Dëmtimi i rrugës nga punimet që janë bërë për riparimin e ujesjellësit në disa rrugë të qytetit të Shkodrës janë kthyer në një problem shqetësues për banorët e kësaj zone si dhe për qytetarët që kalojnë në këtë segment.
Megjithëse punimet kanë përfunduar prej më shumë se dy javësh deri tani askush nuk ka ndërhyrë për riparimin e rrugëve .Banorët kërkojnë kthimin e rrugës në gjendjen e mëparshme, pasi sipas tyre punimet janë lënë gjysmake. Problemet e dëmtimit të infrastrukturës rrugore apo mungesa e investimeve prej disa kohësh në rrugë dhe sheshet mes pallateve janë veçanërisht të dukshme dhe krijojnë vështirësi për banorët në stinën e reshjeve.