Punimet në tregun “Rus” drejt fundit – Tregtarët të kënaqur me transformimin e këtij tregu
Vetëm pak ndërhyrje kanë mbetur nga përfundimi i investimit për rikonstruksionin e tregut të “Rusit”, një ndër projektet kryesore në Shkodër.
Qytetarët theksojnë se tani produktet do të jenë më të sigurta dhe tregu do të ofrojë kushte optimale, si për shitësit, ashtu edhe për blerësit.
Tregtarët që shesin në këtë treg janë gjithashtu të kënaqur me punimet dhe përmirësimet që janë bërë.
Tregu i Rusit është përfshirë në rikonstruksion prej disa muajsh.
Pavarësisht afatit që kishte firma për ta përfunduar vitin e ardhshëm, falë përshpejtimit të punimeve, është bërë e mundur që për festat e fundvitit ky treg të jetë i hapur dhe funksional për të gjithë banorët e Shkodrës.
