Putini i dhuron makinë Kim Jong Un në shenjë të marrëdhënieve të veçanta personale
Presidenti rus Vladimir Putin i ka dhuruar një makinë homologut të tij koreano-verior Kim Jong Un, në një tjetër shenjë të afrimit së marrëdhënieve midis dy vendeve që kanë ngritur shqetësime në Shtetet e Bashkuara.
Makina e prodhuar nga Rusia për përdorim personal të Kim Jong Un u dorëzua të dielën nga një delegacion rus, njoftoi Agjencia Qendrore Koreane e Lajmeve (KCNA). Zëdhënësi i Kremlinit Dmitry Peskov tha se makina ishte një Aurus, prodhuesi luksoz i automjeteve i themeluar në vitin 2018 për të prodhuar makinat zyrtare shtetërore të Rusisë.
Zyrtarët e inteligjencës amerikane janë gjithnjë e më të shqetësuar për implikimet afatgjata të asaj që duket të jetë një nivel i ri i partneritetit strategjik midis Koresë së Veriut dhe Rusisë, kanë thënë zyrtarë të shumtë të njohur me inteligjencën më të fundit.
Rusia ka gjuajtur në mënyrë të përsëritur raketa balistike me rreze të shkurtër veprimi të furnizuara nga Koreja e Veriut në objektivat ukrainas në javët e fundit citon CNN.
