Mali i Taraboshit, mbi Shirokën turistike, është shfaqur mëngjesin e sotëm i zbardhur nga bora. Ndërsa në qytetin e Shkodrës ka reshje të pakta dhe temperaturat kanë shënuar rënie, në zonat malore të qarkut kanë nisur e vijojnë reshjet intensive të borës.
Sipas njoftimeve nga ARRSH dhe policia, aksi rrugor Bogë-Qafë Thore dhe ai Fushë Arrëz- Iballë, janë të bllokuar, ndërsa mjetet borëpastruese janë në terren për pastrimin e të gjitha akseve rrugore. Në akset rrugore Kir-Mali i Shoshit, Pukë – Fushë Arrëz, Fushë Arrëz – Qafë Mali – Fierzë, lëvizja e mjeteve kryhet vetëm me zinxhirë. Po vazhdon paralelisht edhe kriposja e akseve të sipërpermendura.
Trashësia e borës varion nga 15 centimetër në Pukë deri në 25 centimetër në Fushë- Arrëz.
Shërbimet e Policisë Rrugore ndodhen të gjitha në terren dhe apelon për drejtuesit e mjeteve që të mos qarkullojnë pa goma dimërore, pa mjete antirrëshqitëse, të tregojnë kujdes të shtuar në drejtimin e mjetit pasi ka prezencë akulli dhe të mos bëjnë manovra të rrezikshme në rrugë.
Reshjet e borës, kanë krijuar probleme edhe me furnizimin me energji elektrike. Sipas OSHEE Shkodër, në Qelëz, nënstacioni Pukë, fidri është stakuar nga puna. Fidrat janë pjesërisht në punë në Bushat, Velipojë dhe Nënstacionin Shkodra 2 në qytet.
Situata po monitorohet dhe janë në gatishmëri strukturat e mbrojtjes civile në të gjitha bashkitë, por edhe në Prefekturën e Qarkut Shkodër.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.