Categories: BotaLajmeKronikë

Qëllohen për vdekje 15 persona në universitetin e Pragës, plagosen dhjetëra të tjerë

Të paktën 15 persona kanë mbetur të vrarë dhe dhjetëra të tjerë janë plagosur nga të shtënat në universitetin e Pragës pasi një person qëlloi me snajper në drejtim të tyre.

Ndërkaq sipas policisë autori i këtij sulmi është eliminuar. Ngjarja ndodhi në sheshin Jan Palach të Pragës, ndërsa janë evakuuar personat e ndodhur nën sulm. 

 “E gjithë ndërtesa aktualisht është duke u evakuuar dhe ka disa të vdekur dhe dhjetëra të plagosur në vend”, tha policia në platformën e mediave sociale X.

Një email dërguar stafit dhe studentëve në Fakultetin e Arteve të Universitetit Charles, thoshte se një person ishte vendosur në një nga ndërtesat dhe i kishte thënë stafit të “mos lëvizte”

 “Mos shkoni askund, nëse jeni në zyra, mbyllni ato dhe vendosni mobilje para derës, fikni dritat”, thuhet në email.

Në rrjetin social X qarkullojnë foto të një grupi studentësh të strukur në një parvaz të ndërtesës.

Policia ka mbyllur sheshin dhe zonën ngjitur me ndërtesën e universitetit, e cila ndodhet në një pjesë të frekuentuar të qytetit që ka një rrugë të njohur që çon turistët në Sheshin e Qytetit të Vjetër.

Sipas informacioneve paraprake, vetë sulmuesi duhet të jetë i vdekur, ka të vdekur dhe të plagosur në vendngjarje, nuk do të spekuloj tani për numrin përfundimtar”, tha ministri i Brendshëm Vit Rakusan në televizionin çek.

Kryeministri Petr Fiala anuloi udhëtimin e tij në lindje të vendit dhe po shkon drejt Pragës. Krimi me armë është relativisht i rrallë në Republikën Çeke.

Në dhjetor 2019, një person i armatosur 42-vjeçar vrau gjashtë persona në një dhomë pritjeje spitali në qytetin lindor çek të Ostravës përpara se të ikte dhe të qëllonte veten për vdekje, transmeton Reuters. 

Në vitin 2015, një burrë qëlloi për vdekje tetë persona dhe më pas vrau veten në një restorant në Uhersky Brod. Nga ana tjetër, presidentja e Këshillit Evropian, Ursula von der Leyen ka reaguar pas sulmit që ndodhi në Universitetin e Arteve në Pragë.

Përmes një postimi  në rrjetin social ‘X’ von der Leyen shkruan se është e tronditur nga “dhuna e pakuptimtë që mori jetën e disa njerëzve”.

Jam tronditur nga dhuna e pakuptimtë e të shtënave që mori disa jetë njerëzish sot në Pragë. Unë shpreh ngushëllimet e mia më të thella për familjet e viktimave dhe për popullin çek në tërësi. Ne qëndrojmë dhe vajtojmë me ju”, shkroi ajo në rrjetin social X.

RTSH Shkodra

Recent Posts

Abissnet Superiore në RTSH/ Java e fundit e fazës së tretë luhet të shtunën dhe të dielën

Java e fundit e fazës së tretë të kampionatit “Abissnet Superiore” do të zhvillohet të…

14 hours ago

Miratohet vendimi, shtyhet deri më 31 maj vlefshmëria e kartave të identitetit dhe e pasaportave të skaduara

Me 76 vota Kuvendi miratoi të enjten dy aktet normative të Këshillit të Ministrave për…

14 hours ago

Gjergj Kastrioti “rikthehet në shtëpi”, vendoset në Lezhë shtatorja e heroit kombëtar

Figurës së heroit tonë kombëtar, Gjergj Kastriotit Skënderbe, i është shtuar edhe një tjetër statujë…

14 hours ago

Gjendet i vrarë me armë zjarri një 20-vjeçar në Guci të Re

Një ngjarje e rëndë ka ndodhur gjatë orëve të para të pasdites së sotme. Një…

14 hours ago

Drejt përfundimit dy rrugë në rrethina – Ishin lënë në harresë prej dekadash, plotësohet kërkesa e komunitetit

Punimet në rrugët "Todi Germeni" dhe "Udhëtari" në Njësinë Administrative Rrethina janë drejt përmbylljes, duke…

16 hours ago

Bashkia: Busti i Lekë Dukagjinit do vendoset  – Pritet miratimi nga Këshilli Bashkiak i rregullores mbi vendosjen e busteve dhe monumenteve

Busti i Lekë Dukagjinit, do të vendoset në një nga sheshet e qytetit të Shkodrës.…

16 hours ago

This website uses cookies.