Qendër për të moshuarit/ Kryebashkiaku i Lezhës Ndreu: Meritoni vëmendjen e plotë të bashkisë
lezha
Për herë të parë në rajonin verior të moshuarit do të kenë një qendër dedikuar atyre, ku do të ofrohen shërbime të ndryshme. Kjo risi do të jetë në qytetin e Lezhës. Kryebashkiaku Pjerin Ndreu u bëri me dije të moshuarve se vëmendja ndaj tyre nuk do të mungojë asnjeherë pasi ata po kontribojnë çdo ditë në shoqëri dhe komunitet. Prej vitesh mosha e tretë në Lezhë ka kërkuar një qendër ku do të mund të kalojnë ditën duke përfshirë edhe sporte apo aktivitete të ndryshme. Sipas Ndreut stafi i shërbimit social në Bashki do të kujdeset që përgjatë vitit të ardhshëm kjo qendër të marrë financimin e duhur për tu realizuar.
