Qendra e emigrantëve, Komisioni i BE-së: Nuk është e mundur të përsëritet modeli Itali-Shqipëri

Zëdhënësja e Komisionit Evropian për Punët e Brendshme, Anitta Hipper ka deklaruar se për të bërë të mundur modelin italo-shqiptar për emigrantët, ligji evropian duhet të rregullojë riatdhesimin e detyruar në një vend të tretë të ndryshëm nga vendi i origjinës.

Sipas zëdhënëses së Komisionit Evropian për Punët e Brendshme, BE e ka të pamundur për momentin që të përsërisë modelin e menaxhimit të imigracionit të parashikuar nga marrëveshja midis Italisë dhe Shqipërisë.

“Për momentin nuk është e mundur që BE të përsërisë modelin e menaxhimit të imigracionit të parashikuar nga marrëveshja midis Italisë dhe Shqipërisë. Kështu deklaroi zëdhënësja e Komisionit Evropian për Punë të Brendshme, Anitta Hipper , gjatë konferencës ditore për shtyp në Bruksel. #

Ajo vuri në dukje se rregullat aktuale të Bashkimit Evropian nuk e parashikojnë një model të tillë dhe duke pasur parasysh nevojën për të reflektuar mbi ndryshimet legjislative.

“Për momentin nuk është e mundur që BE-ja ta ketë këtë opsion. Për të bërë të mundur një model të tillë, ligji evropian duhet të rregullojë riatdhesimin e detyruar në një vend të tretë të ndryshëm nga vendi i origjinës. Sipas vlerësimit tonë, rregullat aktuale nuk e parashikojnë këtë. Megjithatë, kjo është parashikuar në qëndrimin e Këshillit për direktivën e propozuar për kthimin dhe, duke pasur parasysh nevojën për të reflektuar mbi ndryshimet legjislative, kjo është diçka që ne po shqyrtojmë”, shpjegoi ajo.