Lajme

Qendrat e emigrantëve në Shqipëri, Meloni: Gati për t’i bërë operative

Kryeministrja e Italisë, Giorgia Meloni (lex. Xhorxha) thotë se vendi i saj është gati për nisur dërgimin e emigrantëve në qendrat e pritjes në Shqipëri.

Ajo i bëri komentet gjatë një konference me gazetarët, ku u shpreh se vendimet e Gjykatës së Lartë i japin të drejtë qeverisë së saj për të përcaktuar vendet e sigurta. 

Gjykata e Kasacionit thotë se i takon qeverisë të përcaktojë se cilat janë vendet e sigurta dhe se rrjedhimisht gjyqtari nuk mund të zbatojë sistematikisht ndalimin e emigrantëve, që vijnë nga ato vende, por në vend të kësaj mund të justifikojë rastin konkret pse një person, për një arsye specifike, nuk është i sigurt nga vendi që vjen, gjë që është krejtësisht e ndryshme nga ajo që bënë magjistratët e Gjykatës së Romës, të cilët nuk hynë në themel të çështjes,” u shpreh kryeministrja Meloni.

Ndërkohë ajo theksoi se hyrja e emigrantëve në Itali u ul me 60 për qind vitin e kaluar, ndërsa javët e fundit pothuajse është zeruar.

Lidhur me komentet e fundit të Donald Trump (lex. Tramp), kryeministrja italiane hodhi poshtë spekulimet se Shtetet e Bashkuara mund të përdorin forcën për të marrë Groenlandën ose Kanalin e Panamasë, duke thënë se komentet e Trump synojnë t’i japin një mesazh Kinës. 

Ndiej se duhet të përjashtoj mundësinë që Shtetet e Bashkuara vitet në vijim do të përpiqen të aneksojnë me forcë territoret që i interesojnë. Ato janë dy territore, ku ne kemi qenë dëshmitarë që vitet e fundit ka pasur një interes në rritje nga ana e Kinës,” tha Meloni.

Liderja e ekstremit të djathtë në Itali shtoi gjithashtu se nuk pret që presidenti i ardhshëm amerikan të braktisë Ukrainën. 

AddThis Website Tools
RTSH Shkodra

Recent Posts

Drama “7 Minuta” në Shkodër – Kasti i aktoreve me përvojë interpretuan në Teatrin “Migjeni”

Teatri “Migjeni” në Shkodër u mbush me emocion dhe duartrokitje për një kast të jashtëzakonshëm…

1 minute ago

Artriti reumatoid – Nëse nuk trajtohet, kthehet në sëmundje agresive

Artriti reumatoid është një sëmundje e rëndë që shoqërohet me dhimbje e cila na prish…

14 minutes ago

Europa po armatoset si kurrë më parë, vetëm në tre muaj 22 miliardë paund për të blerë armë

Evropa po riarmatoset me një ritëm që nuk është parë në dekada. Më shumë se…

22 minutes ago

Real Madrid-Barcelona, finalja e Kupës së Mbretit

Do të jetë Barcelona-Real Madrid finalja e këtij edicioni të Kupës së Mbretit në Spanjë.…

1 hour ago

Renditja e FIFA-s: Shqipëria humbet një pozicion, Kosova ngjitet në klasifikim

FIFA ka përditësuar renditjen e skuadrave kombëtare ditën e sotme. Shqipëria humbet një pozicion në…

1 hour ago

Shqipëria dhe rajoni preken nga tarifat e Trump, lista e vendeve dhe taksat për secilin shtet

Taksat e reja të njoftuara një ditë më parë (2 prill) nga presidenti amerikan Donald…

1 hour ago